Free Electricity PMAY Maharashtra : महाराष्ट्रातील लाखो कुटुंबांसाठी आनंदाची बातमी आहे. पंतप्रधान आवास योजनेअंतर्गत (PM Awas Yojana) राज्य सरकारने मोठा निर्णय घेतला आहे. या योजनेअंतर्गत २० लाख घरांवर सौर ऊर्जा प्रकल्प मोफत बसवले जाणार असल्याची घोषणा मुख्यमंत्री देवेंद्र फडणवीस यांनी केली आहे. त्यामुळे लाभार्थ्यांना आयुष्यभर मोफत वीज मिळणार आहे.
पंतप्रधान आवास योजनेत मोठा बदल
बालेवाडी येथील क्रीडा संकुलात शनिवारी पार पडलेल्या कार्यक्रमात ही घोषणा करण्यात आली. केंद्रीय गृहमंत्री अमित शहा यांच्या हस्ते घरकुल मंजुरी पत्र वाटप सोहळा झाला. या वेळी उपमुख्यमंत्री अजित पवार, एकनाथ शिंदे तसेच अनेक मंत्री आणि पदाधिकारी उपस्थित होते.
मुख्यमंत्री फडणवीस म्हणाले, “पंतप्रधान नरेंद्र मोदींचे स्वप्न आहे की प्रत्येक कुटुंबाकडे हक्काचे घर असावे. राज्य सरकारही यासाठी प्रयत्नशील आहे.” याच उद्देशाने पंतप्रधान आवास योजनेतील घरांवर मोफत सौर ऊर्जा प्रकल्प बसवण्याचा निर्णय घेण्यात आला आहे.
घरकुल योजनेतून (Gharkul Yojana Maharashtra) घर मिळणाऱ्या कुटुंबांना विजेचे बिल भरण्याची गरज राहणार नाही. राज्य सरकारकडून अनुदान देऊन सौर प्रकल्प बसवले जाणार आहेत. त्यामुळे लाभार्थ्यांना आयुष्यभर मोफत वीज मिळेल.
फडणवीस यांनी स्पष्ट केले की, “या घरांवर भगिनी, वहिनींच्या नावाने नोंद असावी.” महिलांना अधिक सशक्त करण्यासाठी हा निर्णय घेतला जात आहे.
राज्य सरकारचा पुढील संकल्प
२० लाख घरकुल लाभार्थ्यांना मंजुरी पत्रांचे वाटप पूर्ण झाले आहे. त्याचबरोबर १० लाख लाभार्थ्यांना पहिला हप्ता देखील वितरित करण्यात आला. राज्य सरकारने योजनेतील अनुदानात ५०,००० रुपयांची वाढ करण्याचा निर्णय घेतला आहे.
उपमुख्यमंत्री अजित पवार म्हणाले, “देशभरात ३ कोटी घरे दिली जाणार असून महाराष्ट्रातील गरजूंना जास्तीत जास्त लाभ मिळावा यासाठी आम्ही प्रयत्नशील आहोत.” मुख्यमंत्री एकनाथ शिंदे यांनी देखील “लाडकी बहीण योजना बंद होणार नाही,” असे स्पष्ट केले.
या निर्णयामुळे महाराष्ट्रातील २० लाख कुटुंबांचे स्वप्न साकार होणार आहे. आता हक्काचे घर आणि मोफत वीज मिळाल्याने गरजू कुटुंबांचे जीवन अधिक सुखकर होईल.
🔴 हेही वाचा 👉 मुलींसाठी ही आहे सरकारची सर्वोत्तम बचत योजना.
