(Maharashtra Budget 2025 Ajit Pawar Ladki Bahin Yojana) मुंबई, १८ फेब्रुवारी २०२५: महाराष्ट्राचे अर्थसंकल्पीय अधिवेशन ३ मार्चपासून सुरू होत आहे. १० मार्च रोजी उपमुख्यमंत्री आणि अर्थमंत्री अजित पवार (Ajit Pawar) महाराष्ट्र राज्याचा २०२५-२६ आर्थिक वर्षाचा अर्थसंकल्प (Budget 2025 Maharashtra) सादर करणार आहेत. यावेळी सरकार मोठे आर्थिक निर्णय घेण्याची शक्यता आहे. लाडकी बहीण योजनेसाठी (Ladki Bahin Scheme) मोठा निधी लागत असल्याने काही इतर योजनांवर कात्री लागू शकते, अशी चर्चा आहे.
लाडकी बहीण योजनेबाबत मोठी घोषणा होणार?
महाराष्ट्र सरकारने विधानसभा निवडणुकीपूर्वी लाडकी बहीण योजना सुरू केली होती. याअंतर्गत २१ ते ६५ वयोगटातील, २.५ लाख रुपयांपेक्षा कमी वार्षिक उत्पन्न असलेल्या महिलांना दरमहा १,५०० रुपये मिळतात. मात्र, जानेवारी २०२५ मध्ये तब्बल ५ लाख महिलांना अपात्र ठरवण्यात आले. डिसेंबर २०२४ मध्ये लाभार्थींची संख्या २.४६ कोटी होती, ती आता २.४१ कोटीवर आली आहे.
महायुती सरकारने निवडणुकीपूर्वी लाडकी बहीण योजनेसाठी पात्र असणाऱ्या महिलांना दर महिन्याला २,१०० रुपये देण्याचे आश्वासन दिले होते. त्यामुळे आगामी अर्थसंकल्पात सरकार याबाबत निर्णय जाहीर करणार का, याकडे राज्यातील महिलांचे लक्ष लागले आहे.
इतर योजनांवर परिणाम होणार?
लाडकी बहीण योजनेमुळे राज्यातील काही सरकारी योजनांवर (Maharashtra Government Schemes) मोठा आर्थिक भार पडत आहे. लाडकी बहीण योजनेसाठी मोठा निधी लागत असल्याने काही इतर योजनांवर कात्री लागू शकते. विशेषतः शिवभोजन थाळी आणि आनंदाचा शिधा बंद करण्याचा विचार सरकार करत आहे.
शिवभोजन थाळी आणि आनंदाचा शिधा योजना गरीब लोकांसाठी महत्त्वाच्या होत्या. चालू आर्थिक वर्षात सरकारने यासाठी १,३०० कोटी रुपये खर्च केले आहेत. मात्र, राज्य सरकारच्या तिजोरीवर मोठा भार पडत असल्याने या योजनांचा खर्च कपात होण्याची शक्यता आहे.
अजित पवार काय निर्णय घेणार?
राज्यातील आर्थिक परिस्थिती सुधारण्यासाठी सरकार काही कठोर निर्णय घेऊ शकते. अजित पवार यांनी याआधीच राज्याच्या आर्थिक संसाधनांमध्ये वाढ करण्याचे संकेत दिले होते. त्यामुळे १० मार्च रोजी सादर होणाऱ्या अर्थसंकल्पात (Maharashtra Budget 2025) लाडकी बहीण योजनेसंदर्भात मोठी घोषणा केली जाऊ शकते.
🔴 हेही वाचा 👉 55,334 महिलांना मिळणार नाही आठवा हप्ता; जाणून घ्या जिल्हानिहाय रद्द करण्यात आलेल्या अर्जांची संख्या.
