JIO Hotstar Free Subscription Benefits : जिओ युजर्ससाठी एक आनंदाची बातमी आहे. जिओने आपल्या नवीन रिचार्ज प्लॅनसह जिओ हॉटस्टारचे मोफत सब्स्क्रिप्शन देण्याची घोषणा केली आहे. यामुळे युजर्सना आता क्रिकेट लाइव्ह स्ट्रीमिंगसह विविध ओटीटी कन्टेन्टचा आनंद घेता येणार आहे.
जिओ हॉटस्टार काय आहे?
जिओने अलीकडेच ‘जिओ हॉटस्टार’ (JIO Hotstar) हा नवीन ओटीटी प्लॅटफॉर्म लाँच केला आहे. यामध्ये जिओ सिनेमा आणि डिस्ने+ हॉटस्टारवरील सर्व कंटेंट एकाच ठिकाणी पाहता येणार आहे. विशेष म्हणजे, आयसीसी चॅम्पियन्स ट्रॉफी आणि आयपीएलसारख्या लोकप्रिय क्रिकेट स्पर्धांचे थेट प्रक्षेपण येथे पाहता येणार आहे.
९४९ रुपयांच्या रिचार्ज प्लॅनचे फायदे
जिओच्या अधिकृत वेबसाईटनुसार, ९४९ रुपयांच्या या प्रीपेड प्लॅनमध्ये ग्राहकांना खालील फायदे मिळतील –
- मोफत जिओ हॉटस्टार मोबाइल सब्स्क्रिप्शन (३ महिने)
- ८४ दिवसांची वैधता
- दररोज २ जीबी ४जी डेटा आणि अमर्यादित ५जी डेटा
- अनलिमिटेड कॉलिंग आणि दररोज १०० एसएमएस
स्ट्रीमिंग क्वालिटी आणि अटी
हा प्लॅन जिओ हॉटस्टारच्या मोबाइल सब्स्क्रिप्शनसह येतो, जो अ‍ॅड-सपोर्टेड आहे. युजर्स एका वेळी फक्त एका मोबाईल डिव्हाइसवर लाइव्ह स्पोर्ट्स, नवीन चित्रपट आणि Disney+ Originals पाहू शकतात. मात्र, कन्टेन्ट केवळ 720p रिझोल्युशनमध्ये स्ट्रीम करता येईल.
इतर हॉटस्टार सब्स्क्रिप्शन प्लॅन्स
९४९ रुपयांच्या रिचार्ज प्लॅनमध्ये फक्त मोबाइल सब्स्क्रिप्शन समाविष्ट आहे. याशिवाय, हॉटस्टारचे इतर प्रीमियम प्लॅन्स देखील उपलब्ध आहेत –
- २९९ रुपये (३ महिने, 1080p रिझोल्युशन)
- ४९९ रुपये (३ महिने, प्रीमियम कंटेंट)
- १४९९ रुपये (१ वर्ष, 4K क्वालिटीसह)
तुमच्या रिचार्ज प्लॅनमध्ये हॉटस्टार फ्री आहे का?
जर तुम्ही जिओ युजर असाल आणि ९४९ रुपयांचा रिचार्ज प्लॅन घेत असाल, तर तुम्हाला हॉटस्टारचे मोफत सब्स्क्रिप्शन (JIO Hotstar Free Subscription 2025) मिळेल. यासाठी जिओच्या अधिकृत वेबसाईट किंवा माय जिओ अ‍ॅपवर तपशील पाहू शकता.
🔴 हेही वाचा 👉 आधार कार्डशिवाय होतील सर्व महत्त्वाची कामे; ‘हा’ आयडी बनवा.
